Sappho: "That man seems to me an equal of gods" (2 B/D)

   φαίνεταί μοι κῆνος ἴσος θέοισιν
   ἔμμε’ ὤνηρ, ὄττις ἐνάντιός τοι
   ἰσδάνει καὶ πλάσιον ἆδυ φωνεί-
 4     σας ὑπακούει
   
   καὶ γελαίσας ἰμέροεν, τό μ’ ἦ μὰν
   καρδίαν ἐν στήθεσιν ἐπτόαισεν·
   ὠς γὰρ ἔς σ’ ἴδω βρόχε’, ὤς με φώναι-
 8     σ’ οὐδ’ ἔν ἔτ’ εἴκει,
   
   ἀλλ’ ἄκαν μὲν γλῶσσα †ἔαγε†, λέπτον
   δ’ αὔτικα χρῶι πῦρ ὐπαδεδρόμηκεν,
   ὀππάτεσσι δ’ οὐδ’ ἒν ὅρημμ’, ἐπιρρόμ-
12     βεισι δ’ ἄκουαι,
   
   †έκασε μ’ ἴδρως ψῦχρος κακχέεται†, τρόμος δὲ
   παῖσαν ἄγρε, χλωροτέρα δὲ ποίας
   ἔμμι, τεθνάκην δ’ ὀλίγω ’πιδεύης
16     φαίνομ’ ἔμ’ αὔται·
   
   ἀλλὰ πὰν τόλματον ἐπεὶ †καὶ πένητα†