💾 Archived View for gemlog.blue › users › ludoviko › 1639388458.gmi captured on 2024-08-18 at 20:35:55. Gemini links have been rewritten to link to archived content

-=-=-=-=-=-=-

Ĉefaj verkoj de Lazaro Ludoviko Zamenhofo

La verkoj de Zamenhof (libroj, eseoj, tradukoj...) estas multaj kaj ne ekzistas kompleta bibliografio (aŭ, almenaŭ, mi ne konas ĝin). La sekva listo kolektas la ligilojn, kiuj ebligas legi kvar esencajn librojn de Zamenhof. La ĉi-sube listigitaj verkoj ekzempligas la manieron, kiel Esperanto kreskis kaj maturiĝis, ĝis ĝi atingis sian finan formon.

La kvar libroj, kiuj donis vivon al Esperanto

UNUA LIBRO

UNUA LIBRO (origine en la rusa: Международный языкъ Эсперанто), subskribita de Doktoro Esperanto kaj publikigita en Varsovio la 26-an de julio 1887 (en ĉi tiu tago la naskiĝo de Esperanto estas festata internacie). Legu aŭ elŝutu libron ĉi tie,

https://archive.org/details/UnuaLibroRus1aEld/mode/2up

DUA LIBRO DE L’ LINGVO INTERNACIA

DUA LIBRO DE L’ LINGVO INTERNACIA (origine en Esperanto) + Aldono al la Dua Libro, 1888. Legu aŭ elŝutu libron ĉi tie,

https://archive.org/download/dualibrodellingv20006gut

FUNDAMENTA KRESTOMATIO DE LA LINGVO ESPERANTO

FUNDAMENTA KRESTOMATIO DE LA LINGVO ESPERANTO, 1903. La libro prezentas kaj montras al la leganto la supran kaj mezan registron de la Esperanto-parolado, la registron, kiun ĉiu bona Esperanto-parolanto devas lerni kaj uzi. Legu aŭ elŝutu libron ĉi tie,

https://archive.org/details/Fundamenta_Krestomatio

FUNDAMENTO DE ESPERANTO

FUNDAMENTO DE ESPERANTO, 1905. La libro estis la definitiva manlibro por lerni kaj regi Esperanton. La libro ĉe la Unua Universala Kongreso de Esperanto en 1905 stariĝis kiel definitiva kaj netuŝebla fundamento de la lingvo Esperanto por ĉiam. La libro estas dividita en kvar partojn: 1) Prologo, 2) Gramatiko, 3) Ekzercoj kaj 4) Universala Vortaro. Legu aŭ elŝutu libron ĉi tie,

https://archive.org/details/fundamentodeesp00zamegoog

Aliaj rimedoj

Rimedo por hispanparolantoj

https://cursodeesperantoparahispanohablantes.blogspot.com/2018/11/los-cuatro-libros-que-dieron-vida-al.html

La plej kompleta listo de la Zamenhofaj verkoj kompilita por LA BALTA ONDO

https://zamenhof.info/eo/bibliografio

Rimarkindas, ke la plej multaj el la artikoloj, publikigitaj en gazetoj, eseoj kaj leteroj verkitaj de Zamenhof kaj eble malpli konataj, estis kolektitaj en la ORIGINALA VERKARO (ĉi tiu lasta rimedo estas kontribuo de 'aŭtinido' @jsv@esperanto.masto.host). Legu aŭ elŝutu libron ĉi tie,

https://archive.org/details/originala-verkaro/mode/2up

«HO, MIA KOR'» estas fama poemeto de L.L. Zamenhof, verkita nelonge antaŭ eliro de la Unua Libro en 1887. Tiu ĉi poemo aperis ĝuste en tiu libro.

Ho, mia kor', ne batu maltrankvile,

El mia brusto nun ne saltu for!

Jam teni min ne povas mi facile,

Ho, mia kor'!

Ho, mia kor'! Post longa laborado

Ĉu mi ne venkos en decida hor'?

Sufiĉe! trankviliĝu de l' batado,

Ho, mia kor'!

- - -

gemini://gemlog.blue/users/ludoviko/1639388458.gmi

https://proxy.vulpes.one/gemini/gemlog.blue/users/ludoviko/1639388458.gmi

by @LoLo (CC BY-SA 4.0)