💾 Archived View for toki.pona.billsmugs.com › lipu-tenpo › 2022-05-15-sitelen_pona captured on 2024-06-16 at 12:22:04. Gemini links have been rewritten to link to archived content

-=-=-=-=-=-=-

sitelen pona pi leko lili

sitelen pona li pona mute! mi pilin e ni: sina kama sona e sitelen pona la, sina ken kama sona e toki pona lon tenpo lili. sina ken wan e sitelen pona e nimi pi toki pona lon lawa sina. ni la, sina ken awen sona e nimi ale.

mi pali e sitelen pona kepeken leko lili:

ni li lili mute. (ona li leko lili 7x7 li kepeken leko lili wan lon insa nimi tu.)

sitelen sewi la, ni li suli (ona li leko lili 15x15 li kepeken leko lili tu lon insa nimi tu.)

ilo lukin pi tenpo suno ni la, leko lili li lili mute! sitelen anpa li pana e sitelen sewi tu lon sitelen suli :

./suli.png

lipu anpa li nimi ale lon sitelen sewi. ona li jo e nimi 137. ona li nimi pu ale li nimi ku suli. (ona li lon nasin 'a, e, i, j, k, ...'. nimi ku en nimi pu li wan.)

./nimi.txt

sitelen pona pi leko lili ni li kepeken lipu lawa "Creative Commons Zero". (nimi ante li lipu lawa "CC0".) lipu lawa ni li pana e ni tawa sina: sina ken kepeken ona lon ijo ale. ona li mani ala. sina ken esun e ijo kepeken ona.

lipu lawa CC0 [linja ni li kepeken toki Inli. sina ken lukin e ona kepeken toki mute. taso tenpo ni la, toki pona li lon ala]

mi pali e nasin sitelen ".ttf" pi sitelen pona 15x15. mi pilin e ni: ona li ike lili! mi sona ala pali e nasin sitelen pi pona mute. sina ken ala kepeken poki nimi. kin la, sina ken ala kepeken sitelen Lasin ale. sina kepeken ona la, lukin e sitelen ni:

sina ken jo e sitelen pona kepeken sitelen Lasin

./lekolili15x15.ttf

sitelen pona ni li tan musi lili mi.

o lukin e musi ni