💾 Archived View for tilde.club › ~adou › delabuk.gmi captured on 2024-02-05 at 11:22:10. Gemini links have been rewritten to link to archived content
⬅️ Previous capture (2022-04-28)
-=-=-=-=-=-=-
Äsenob fredi ad getön vüresodanuni (tradutobs-li eli “e-mail” somo?) de Volapükan tefü delabuk et. Danö ome bi vöds e benovip omik! No elautob delabuki et tiköl, das pareidon, ab if ek senon yofi reidöl oni, binon fredik :-) .
Evilob lautön ome nemediko, ab (ba bi nun binon in Volapük, u ba bi egesagob ko ladet difik de atos, kelose isedom nuni balik) nun obik padeimon fa labükian vüresodanunaboga (“e-mail provider”; dabinon-li lised vödas tefü vüresodanun?) omik pro minilud ela “spam”.
If vilol, o Volapükaflen, kanol sedön vüresodanuni lü:
(Oduliunob lien ko ladet obik pos tim anik.)
Yegäd: #sikapsul_obik
Binob spatöl ini baköp ko juks bäldik oba. Fred! Elifädob ädelis telik ko klotemajuks, no evolob blinön päris tel. Löfob elis «Doc Marten's» oba!
Yegäd: #lif_aldelik
No dabinon bos äs «els “Riker” tuiks».
(Steifülob ad glömön, das ävögofob…)
Yegäds: #cog, #bolit
Ädelo, egolob ini mated dauta himata mota obik (mot e fat oba ematiteilons, e mot oba ematikof dönu ko man, hikel labom dauti). Mot e jimatan nulik lödons in topäd rigik oba, ezesüdons düps kil (ko jimatan oba e cils tel obsik) ad reafön glugi. Elüvons göliko gödo et ad vögodön; binob (tio) so fenik äs büä vakens obik (kelos finikons adelo).
Yegäd: #lif_aldelik
Id ob labob yeli pluik! Yelis kildegkil! Motadel fredik obe!
Yegäd: #lif_aldelik
Sikapsul obik labon yeli bal! Eyildädob motedadeli ona, ab tikob, das votükobös binodi onik bü zälön.
Yegäd: #sikapsul_obik
Timül telik daväla presidanik Fransäna ojenon sudelo. No obinon lisitan nedetikanik... e hetob hieli “Macron”, no volob, das binom presidan Fransänik. Ab ovogodob ome, nen zog: ibä to om binof jiel “Le Pen”, e otadunob detikani lemuik ai.
Ai ab... bü yels lul, hiel “Macron” e jiel “Le Pen” ya äbinons in timül telik daväla. Ya ävogodob hiele “Macron”, ab äzogob. Kikodo täno e no nu? Bü yels lul, timül telik at no äbinon süpäd, ab naedü at esevob, das hiel “Macron” e jiel “Le Pen” öbinons us. No nedob tikön; tik ejenon ya.
No tikob, das daväls dailik obinons fredikum; ab ba binon-li spel?
Yegäd: #bolit
Lif binon fulik! Pos vig saludik, äsumob vigi vakenik; ab cils obik no leadofs obe takädön. Ogolofs-la tö mat obik odelo dü dels tel, ab no ojenon. No takäd obe...
Yegäd: #lif_aldelik
Ebo äreidob yegedi tefü krigakrims Rusänik in Lukrayän. Lezunob. Lezunob to bolitans, soldats e valikans, kels stütons Rusäni.
Yegäd: No nolob.
(Ab läbo ledino, ovakenob ovigo!)
Yegäd: #lif_aldelik
Vedel binon del takädik oba. Ba vedels anik binons pavodöl as del vodik… pos täv vodik, sot at dela binon fikulik! Läbo, löfob vodi obik.
Yegäd: #lif_aldelik
Binob lomo; ab ledino, binob fenik.
Yegäd: #lif_aldelik
Del telik (teldelika) täva kategik. Obinob lomo dü säned.
Yegäd: #lif_aldelik
Dugädob grupi kategäbas dü täv. No labob timi, ab binon gretik.
Yegäd: #lif_aldelik
Jimatan obik (of donü!) dalilof eli “Power Metal”. No dalilob musigi soeliko, ab plidob ad dalilön ko of.
Nutimo, dalilof musiganefi panemöl “Powerwolf”. As suvo musiganefs ela “Power Metal”, el “Powerwolf” labon levali patik: mostis, kels jelofons kriti. Tikamagot nitedik, ab dönuamik.
Kikodo musigans ela “Powerwolf” ävälons-li levali et? Krit vedon-li miteodav, as vikenik u romänik miteodavs.
Yegäds: #rel #kuliv
Ă„vogodob!
Yegäd: #bolit
Sudel tuigas pamas gretik! Lelivükal eninikom ini el “Yerusalem”!
Yegäd: #rel
Jimatan obik pledof ele “Animal Crossing”. Sevedo, päskarof; e tüvob fitis e nimemis vatik. Paplidon pato fa ob el “clione limacina”, u “pab mela”, laläf melik jönik.
Ekö fotografot (de Vükiped):
https://en.wikipedia.org/wiki/Clione_limacina
Yegäd: #nat
Logob ai plu nunis tefü nulodagrups ela “Usenet”. Senob desiri ad steifülön… Ab nüdugs jinons ad binön ledino tefü feaplad me el “NNTP” (protok ela “Usenet”). Ofövob vestigis.
Yegäd: #nünömav
Del anik viga, dü kelos cils obik golonsöd ini jul, galükoböd onis. Vobob dü dels 6 su 7, gitaviko, ab suvo zädelo no galikob göliko. U no galikoböd göliko demü vob obik: cil bal ai galükon obi dü del at… Kikodo volons-li slipön dü dels julik e no dü zädels?
Yegäd: #lif_aldelik
Sudel, obinon Fransäno daväl presidanik. Binob nedetikan, ab lisitan nonik plidon obe. Hiel Mélenchon binom lisitan nedetik balik, kel kanonöv beigolön ini timül telik daväla. Ab no plidükob omi. Hiel Jadot, natan, plidom bosilo obe; ba ovögodob pro om. Ab onepluom 7%-is…
Yegäd: #bolit
Lavuoböd gefi, kludo elabob tikamagoti: jafoböd delabuki vemo smaliki (= “tinylog”) in Volapük! Nu pejafikon, olavob gefi. Lügiko.
Yegäd: #lif_aldelik
---
