💾 Archived View for arns.lt › sgs › f › kor%C4%ABba › Ain%C5%ABra_g%C4%97ism%C4%97s › 6 › 2_v%C4%97l… captured on 2024-02-05 at 09:46:03. Gemini links have been rewritten to link to archived content
⬅️ Previous capture (2023-07-10)
-=-=-=-=-=-=-
🌙2007-05-17
© Udovič Arns
Vėsata švėisuo. Skomb vabalū šiorenėms. Vuo kas dedas Mienolioka svietė?
Brėnst dėdelis ghaš. Nīkštoku dā nie, bet anū kėrvē jau švītoun. Gėrdas anū dainės apė smuoga smertė ė kėtas onkstesnės vainas. Tik namėnama Muoraja. Vėsė tėk i Siauruona jauduosės dūšės ėšvėjėma. Ėšvėjėma, nas anon sonaikintė naimanuoma. Kas sonaikins dūšė? Tik pats Eru. Vuo ons tuokēs rēkalās nasėsmolkėn.
Mienolioks žėna, ka rēk pradietė nu dainuojemuosės revoliocėjės. Rēk tik pradietė. Pajodintė pėrma kūli, katros riekdams rėidies žemīn ė jodins kėtus sava draugus.
Vėltės…
A dainė gal nalēstė krėstė varvekliou, a gal solaikītė? Tik rēk tėkietė. Jė kalns nēn pas Mahuometa, ta kalns atēn. Nīkštokā atēn. Anėi tor atētė. Nes kėtāp saulė nabaplauks sava laivelio par dongo. Nabašildīs Mienolioka pasaulė. Kāp gal egzėstoutė pasaulis, jė nie saulės? Kon rēšk pasaulis?.. Tas, kas ī pu saulės…
Čė ontruoji ainūra gėismie. Ainūrs sied pu amalo dā vėns, bet ons gėrd nīkštoku dainė ė ghaš… Vėlnios, 2001 pabonga