💾 Archived View for gem.girlmeow.autos › log › lipu › 2022-12-19%20ilo%20sin.gmi captured on 2023-09-08 at 15:56:56. Gemini links have been rewritten to link to archived content
⬅️ Previous capture (2023-01-29)
-=-=-=-=-=-=-
toki!! tenpo suno mute poka la, mi pali e ilo sin. tenpo pini la mi pali e sin ante tawa lukin e ma jemini. ilo pi ma jemini ni li wile pali mute tan mi, li ken pona tawa mi, taso li ken ike tawa mi sama. ni la, mi wile pali e ilo ante, e ilo lili. ni la ilo li ken ala pakala e lawa mi, anu ilo li pakala e lawa mi la pakala li lili a a.
ilo pi tenpo suno ni li ni: nimi toki pona lon ma jemini li kepeken sitelen laten la, ilo li ken ante e nimi ni tawa sitelen pona. ni li pali mute tawa mi, taso ilo ni li pona. mi pali e ni kepeken toki nanpa perl. linja nimi lon ma jemini li tawa e jan tawa lipu ante, anu li nimi suli la, ilo li ken pona tawa linja ni. taso lipu li awen ala, li jo e toki nanpa perl anu ijo ante sama ni, la, lipu li ike tawa ilo mi. tenpo kama la, ken la mi ken ante e ni.
sina wile la sina ken lukin e pali ilo ni lon ni. tenpo ni anu tenpo kama la, mi wile pana e linja tawa ilo ni lon anpa pi lipu mi.
tenpo kama la, mi wile pana e ilo ni tawa jan ante, ni la, sina wile la sina ken kepeken e ni lon ma jemini sina.
pona tawa sina!
★jan salinka jen