💾 Archived View for beehiveth.cities.yesterweb.org › gemlog › 01.gmi captured on 2023-07-22 at 16:16:33. Gemini links have been rewritten to link to archived content

-=-=-=-=-=-=-

gemlog

Back to entry index

musi Likalesen: lipu nasin tawa jan musi sin

toki pona guide to League of Legends

musi utala pi jan wawa li seme?

ni li musi sitelen.

kulupu tu li lon. kulupu wan li jo e jan musi luka.

kulupu li wile kama lawa ma, la ni li utala.

jan musi wan li lawa e jan wawa wan.

sina kama nanpa wan kepeken nasin seme

sina wile pakala e kiwen suli pi kulupu ike. sina wile awen e kiwen suli pi kulupu sina.

kulupu tu li lukin awen e kiwen suli ona kepeken ilo kepeken ijo lon ma.

tomo palisa en kulupu pi jan lili li awen e nasin tawa kiwen suli pi kulupu tu.

tenpo open musi, la sina wawa ala. kulupu sina li alasa e ilo e ijo, la sina kama wawa.

ilo en ijo ni li sona wawa li mani. sona wawa li kama suli e ona. mani li ken esun e ijo.

sina ken kama nanpa wan kepeken wawa, taso sina ken kama nanpa wan kepeken lawa kin.

sitelen pi ma musi seme

kulupu tu li lon. kulupu wan li jo e jan musi luka.

tomo pi kulupu laso li lon anpa. tomo pi kulupu loje li lon sewi.

kiwen suli li lon tomo insa pi kulupu tu.

jan lili mute li kama tan kiwen suli. ona li tawa nasin lon tenpo musi ale.

nasin li tu wan. nimi nasin li [nasin sewi] li [nasin insa] li [nasin anpa].

tomo palisa en kiwen pi lili wawa

nasin ale li jo e tomo palisa tu wan. tomo palisa li utala e jan wawa ante e jan lili ante.

nasin ale li jo e kiwen pi lili wawa. kiwen pi lili wawa li pakala, la jan lili li kama jo e wawa suli.

kiwen pakala pi lili wawa li kama pona lon tenpo lili.

sina wile pakala e tomo palisa ale lon nasin. tomo palisa ala, la sina ken pakala e kiwen pi lili wawa.

kiwen pi lili wawa wan li pakala, la sina ken utala e kiwen suli pi kulupu ike.

tomo kulupu en tomo esun

tenpo open musi, la sina lon tomo kulupu. sina kama moli, la sina kama sin lon tomo kulupu lon tenpo monsi.

sina ken tawa tomo kulupu lon tenpo ale. sina ken pali wawa e sijelo e kon sin lon ni. sina ken esun e ijo lon ni.

sina tawa anpa e ilo sitelen, la sina wile awen. ona li ken pake e sina. o lukin pona.

mani en ijo

sina kama jo e mani kepeken nasin ni:

sina moli e jan lili e monsuta lon ma kasi
sina pakala e tomo palisa e kiwen pi lili wawa
sina moli e jan wawa ike
sina pakala e ijo pi pimeja ala

sina ken esun e ijo kepeken mani. ijo ante li pana e sona ante.

jan wawa ale li jo e sona open ante.

sina ken suli e sona open kepeken ijo.

sina ken ante e sona open kepeken ilo sona kepeken ijo.