💾 Archived View for thingvellir.net › log › 2022-12-04_tok.gmi captured on 2023-04-26 at 13:05:44. Gemini links have been rewritten to link to archived content

-=-=-=-=-=-=-

lipu mi pi tenpo 2022-12-04 — ijo pi wile pona mi

tawa mi la, ijo mute li wile pona. jan pi toki Inli li ken utala la, mi sitelen e lipu ni kepeken e toki pona. ken la, lipu ni li nasa.

ken lanpan: tenpo ni la, ma mute la, ken lanpan li pakala. mani la, jan lawa li lanpan e sona, li lanpan e pali. pali li ken ala tan ni.
nasin mani: nasin mani li ike tawa mi. jan li wile moku, li wile tomo, li wile pilin pona. jan pi nasin mani li utala e jan pi tomo ala, li wile weka e ona. seme li moku ala e jan?
kon seli: seli ma li ike suli tawa mi. soweli en kala en waso en akesi li moli tan kon seli. kasi li moli tan kon seli. ni li tan jan ike pi nasin mani. ona li wile ala e ma pona.
jan lawa utala: jan ante li lukin e mi. ni li ike suli tawa mi. ijo mi li tawa ala e lukin sina, li tawa ala e luka sina. o lukin ala e ijo mi pi wile lukin ala mi. "sina ike ala la, sina monsuta ala" li nimi pi lon ala. sina lon e tomo telo la, sina wile pi lukin mi li seme?
jan lawa pi moku: jan lawa pi moku li utala e jan. ona li pali e moku pi wile moku. ike sijelo mute li tan moku ike ona.
kulupu pi jan pi ijo nanpa: sitelen pi ijo nanpa li pona ala. mi wile e sitelen tawa mi, jan ante li wile e kulupu suli, li wile e sitelen lili mute. ni li ike tawa mi.
mi taso: mi taso. mi wile e jan pona. ken la, sina li toki ala toki e mi?