💾 Archived View for arns.lt › sgs › f › kor%C4%ABba › q › kois%C4%97.gmi captured on 2023-01-29 at 02:41:47. Gemini links have been rewritten to link to archived content
-=-=-=-=-=-=-
Kumet koisīs top ont ronkas
Tujaus lopi muotrėška.
A pamėslėjē bėnt kartās,
Ar elgėis homanėškā.
Jog pėrmiausē rēk soprastė,
Kraugerie īr KOISĖ,
Kraujė diel vākū liōb gertė
Ėr aukuojas baisē.
Nūdėinuo daug tor kas ruoda,
Gera īr ta duonuorīstė.
Kitīms tonkē doudi kraujė,
Ton jau laikuom gerdarīstė.
Nu žurnalu plaukā šiaušas,
Praneš - muotina primoša...
Parskaitėn žėnės veizuolās
Šauksam – sviets nupoša.
Dabā sodiekam ton, kon toram:
Ėšgelbiekam tus zīzontius.
Gėntainė ronka griebkam,
Sodrausmėnkam soklīdosius.
🌙 2008-02-12
© Udovič Arns