💾 Archived View for arns.lt › sgs › f › kor%C4%ABba › t › vies_%C4%97_dor%C4%97s.gmi captured on 2023-01-29 at 02:40:38. Gemini links have been rewritten to link to archived content
-=-=-=-=-=-=-
Staktuo stuov dorės
So raitīta ronkena,
Īkīpē pastėklinta,
Rauduonās kringelēs ont šuona.
Vies padūkės pëvuo lakstė,
Meďius lonkstė, šakas draskė.
Stringalvēs pru longa půlė
Ėr i sëna sosikūlė.
Vuo pabodės mata prīkie
Baltas dorės staipuos, blėzgėn.
Ons prisielėna tǡp tīkē,
Varė ronkėna paklėbėn.
Mailė raduos tarpė anū.
Vies pagluosta, dorės gėrgžtel,
Jė pačiump ont stėpriū
Nu ciuonga këtā trinktel.
Tǡp ė tė̄sas anū ruoda.
Vëns tik košie, kėta šnek,
Ale abīms tas patėka -
Laika opė fainiau tek
🌙 2013-01-16
© Udovič Arns