💾 Archived View for kwiecien.us › eblogo › 202103122013.gmi captured on 2022-06-11 at 20:58:31. Gemini links have been rewritten to link to archived content
⬅️ Previous capture (2022-01-08)
-=-=-=-=-=-=-
Aŭtoro: Ben <benk@tilde.team>
Fri Mar 12 08:13:01 PM +0330 2021
Hodiaŭ mi kaj mia edzino havis la plezuron renkontiĝi kun du aliaj esperantistoj en la urbo de Maŝhad. Unu (virino) estis mia studento antaŭ kelkaj jaroj kiam mi instruis Esperanton en mia universitato, kaj la alia (viro) mem lernis Esperanton rete. Ni delonge ne vidis unu la alian, kaj nun ni provas aktivigi etan klubon por la venonta jaro. Sukceson al ni!
Dum la kunsido, ni iomete parolis Esperanton, trinkis kafon, kaj foliumis libron (La Nigra Fiŝeto), kiu lastatempe eldoniĝis en Irano. Ĝi estas esperanta traduko de fama irana romano. Ni priparolis literaturon kaj nian studadon. La alia viro, Mohsen, nun legas la libron "La Homo Kiu Ne Sukcesis Trompi Sin Mem" kaj rekomendas ĝin.
Ĝis la revido, karaj!
