💾 Archived View for gem.amigausers.ie › news_ie › 1637694283.gmi captured on 2021-11-30 at 20:18:30. Gemini links have been rewritten to link to archived content

-=-=-=-=-=-=-

Gradam ‘Leabhar na Bliana’ buaite ag ‘Madame Lazare’ Thaidhg Mhic Dhonnagáin

NÓS, 23 Samh 21 19:04

Tá an chraobh tugtha leis ag an údar Tadhg Mac Dhonnagáin ag Gradaim Leabhar an Phoist dá shaothar Madame Lazare a foilsíodh níos túisce i mbliana. Tá na gradaim á mbronnadh ag searmanas fíorúil anocht ar shuíomh RTÉ Culture.

Bhí Madame Lazare san iomaíocht le ceithre leabhar eile don ghradam ‘Leabhar Gaeilge na Bliana': An Cheathrú Rua agus na hOileáin sa Naoú hAois Déag le hÁine Ní Chonghaile, Inní le Réaltán Ní Leannáin, Ré na bhFathach le Colm Ó Ceallacháin, agus Mé Suibhne le Feargal Ó Bearra. Ba í Bláthnaid Ní Chofaigh a bhronn an gradam don leabhar Gaeilge is fearr ar Thadhg Mac Dhonnagáin.

"Is scéal é faoi bheirt bhan, an bhean óg Levane a tógadh ina Giúdach i bPáras agus a seanmháthair a thóg í. An tuiscint a bhí ag Levane ó bhí sí óg ná gur as tuaisceart na hEorpa a seanmháthair agus gur theith sí ó na Naitsithe aimsir an Chogaidh, gur maraíodh gach aon duine a bhain léi sa gcogadh, gur tháinig sí féin slán agus nach raibh sí ag iarraidh a bheith ag caint faoi. Ach i ndeireadh a saoil éiríonn an tseanbhean, Madame Lazare, cineál scaipthe ina hintinn agus tosaíonn blúirí eolais ag teacht uaithi a thugann le fios do Levane go bhfuil gach rud atá inste ag an tseanbhean di faoina hóige bréagach.

"is leabhar é faoi chúrsaí cuimhne, na rudaí a gcuimhníonn daoine orthu, nach rudaí nach bhfuil daoine ag iarraidh a bheith ag cuimhneamh orthu, agus an chaoi a dtagann rudaí aniar ó chúl na cuimhne, uaireanta i ngan fhios do dhaoine agus uaireanta in ainneoin a gcuid iarrachtaí rudaí a choinneáil faoi chois," a dúirt Tadhg agus é ag míniú scéal a leabhair do láithreoir an chláir gradam Evelyn O'Rourke.

The 2021 winner of the @loveleabharG Irish Language Book of the Year is … @tadhg_mac_dh for ‘Madame Lazare’ Comghairdeas Tadgh! #ReadersWanted #APIBA pic.twitter.com/KK51S9KnFX

— An Post (@Postvox) November 23, 2021

Is féidir Madame Lazare a cheannach ó Barzaz anseo.